પાલનપુર ખાતે આજે સ્ટેટ બેંક ઓફ ઈન્ડિયા (SBI)ના કર્મચારીઓએ પડતર માગણી ઓને લઈને હડતાલ પાડી વિરોધ નોંધાવ્યો હતો.
કર્મચારીઓ દ્વારા અઠવાડિયામાં પાંચ દિવસ કામ અને બે દિવસની રજાની મુખ્ય માંગ કરવામાં આવી છે. આ ઉપરાંત કર્મચારીઓના અન્ય વિવિધ પ્રશ્નો અને પડતર મુદ્દાઓનો પણ ઝડપથી ઉકેલ લાવવાની માંગ કરવામાં આવી હતી. કર્મચારીઓએ જણાવ્યું હતું કે, લાંબા સમયથી પડતર પ્રશ્નો અંગે યોગ્ય કાર્યવાહી કરવામાં આવી રહી નથી. જો આગામી દિવસોમાં તેમની માંગણીઓનો વહેલી તકે ઉકેલ નહીં આવે તો વધુ ઉગ્ર આંદોલન કરવાની ચીમકી આપવામાં આવી છે. આગામી દિવસોમાં પણ હડતાલ સહિતના કાર્યક્રમો યોજી વિરોધ નોંધાવવાની કર્મચારીઓએ ચેતવણી આપી હતી. જોકે, બેંક કર્મીઓની હડતાળને પગલે બેકિંગ કામ ઠપ્પ થતા બેંક ધારકો અટવાયા હતા.
