હિંદુ ધર્મશાળા ખાતે ડીસા શહેર કોંગ્રેસ સમિતિની ચૂંટણીલક્ષી બેઠક યોજાઈ હતી. ડીસા શહેર કોંગ્રેસના પ્રભારી સુરેશભાઈ પટેલના અધ્યક્ષ સ્થાને મળેલ આ બેઠકમાં અખિલ ભારતીય રાષ્ટ્રીય કોંગ્રેસ સેવા દળના સચિવ અને ડીસાના પૂર્વ પ્રમુખ પ્રકાશભાઈ ભરતીયાએ આગામી ડીસા નગર પાલિકાની ચૂંટણી સંદર્ભે વિસ્તૃત છણાવટ કરી તેમજ ભાજપના ભ્રષ્ટાચારી શાસનને ઉખાડી નાખવાની હાકલ કરેલ.
ડીસા નગરપાલિકાના પૂર્વ પ્રમુખ વિપુલભાઈ શાહે ભાજપ શાસિત ડીસા નગરપાલિકામાં ચાલતા ભ્રષ્ટાચાર અંગે વિસ્તૃત છણાવટ કરેલ અને આગામી ચૂંટણીમાં આ ભાજપની સરકારને ઘરભેગી કરવા ડીસા નગરજનોને અનુરોધ કરેલ. ડીસા શહેર કોંગ્રેસના પ્રભારી સુરેશભાઈ પટેલે આગામી ડીસા નગરપાલિકાની ચૂંટણીમાં જીતી શકે એવા સક્ષમ ઉમેદવારો કોંગ્રેસ પાર્ટીમાં ઊભા રાખવા અનુરોધ કરેલ. ડીસા નગરપાલિકાના પૂર્વ સદસ્ય જગદીશભાઈ મોદીએ પણ વર્તમાન ભાજપ શાસિત ડીસા નગરપાલિકાના કોર્પોરેટર તરીકે પોતાના કડવા અનુભવોનું વર્ણન કરેલ. ડીસા શહેર કોંગ્રેસના કર્મઠ કાર્યકર મંગલભાઈ ગુર્જરે પ્રસંગને અનુરૂપ વક્તવ્ય આપેલ.
આ પ્રસંગે કોંગ્રેસ મહિલા પ્રમુખ તરીકે કાજલબેન છત્રાલિયાની નિમણૂક થતા ડીસા શહેર કોંગ્રેસના પ્રભારી સુરેશભાઈ પટેલના હસ્તે નિમણૂક પત્ર અર્પણ કરવામાં આવેલ. આ પ્રસંગે બળદેવભાઈ પંડ્યા, વિસનગર પાલિકાના પૂર્વ સદસ્ય ઇમરાનભાઈ શેખ, દેવુસિંહ દરબાર, દિવ્યાબેન પંચાલ, ફેજલ ભાઈ ઠેકેદાર, હર્ષદભાઈ પરમાર, રાજુભાઈ પરમાર, રાજુભાઈ ત્રિશુલ, ચંદનભાઈ પટેલ, મુકેશભાઈ ચૌહાણ, મુકેશભાઈ અનાવાડીયા, મગનભાઈ દામા, ભરતભાઈ દેસાઈ, મનોજભાઈ પરમાર, બાબુભાઈ ઇન્દુબેન બારોટ સહિત મોટી સંખ્યામાં કોંગ્રેસ કાર્યકર ભાઈ બહેનો ઉપસ્થિત રહેલ.ડીસા શહેર કોંગ્રેસ સમિતિના પ્રમુખ શૈલેષ વ્યાસે ઉપસ્થિત રહેલ તમામ આગેવાનો તથા કાર્યકર ભાઈ બહેનોનું શાબ્દિક સ્વાગત કરેલ. ડીસા યુથ કોંગ્રેસ પ્રમુખ દીપકભાઈ દેસાઈએ મીટીંગનું સંચાલન કરેલ.
