ધાનેરા પોલીસ સ્ટેશન દ્વારા નશાકારક પદાર્થોના વેચાણ અને હેરાફેરી સામે લાલ આંખ કરવામાં આવી છે. પોલીસને મળેલી ચોક્કસ બાતમીના આધારે હાથ ધરેલી સઘન તપાસ દરમિયાન, એક લક્ઝરીયસ ટાટા સફારી કારમાંથી મોટા પ્રમાણમાં પ્રતિબંધિત માદક પદાર્થ ઝડપી પાડવામાં આવ્યો છે.
આ કાર્યવાહીમાં પોલીસે કારની અંદરથી અંદાજે ૨૨૮.૭ કિલોગ્રામ જેટલો જંગી જથ્થો પોષડોડાનો ઝડપી પાડ્યો છે. પોલીસ દ્વારા માદક પદાર્થ અને કાર સહિત લાખો રૂપિયાનો મુદ્દામાલ જપ્ત કરી કાયદેસરની કાર્યવાહી હાથ ધરવામાં આવી છે.
આંતરરાજ્ય કે આંતરજિલ્લા સ્તરે ચાલતા આ ડ્રગ્સ નેટવર્કની ઊંડાણપૂર્વક તપાસ માટે પોલીસે આરોપીઓની પૂછપરછ તેજ કરી છે. ધાનેરા પોલીસની આ કડક કાર્યવાહીથી નશાના કારોબારીઓમાં ભારે ફફડાટ ફેલાઈ ગયો છે.
