ઇડરમાં કોંગ્રેસના આક્રમક તેવર: સાંસદ ગેનીબેન ઠાકોર વિરુદ્ધની ટિપ્પણી મામલે ભાજપ પ્રદેશ પ્રમુખના રાજીનામાની માંગ

ગુજરાતના રાજકારણમાં હાલ શબ્દયુદ્ધ ચરમસીમાએ પહોંચ્યું છે, ત્યારે બનાસકાંઠાના લોકપ્રિય સાંસદ ગેનીબેન ઠાકોર વિરુદ્ધ ભાજપ પ્રદેશ પ્રમુખ દ્વારા કરવામાં આવેલી કથિત ટિપ્પણીનો વિવાદ હવે સાબરકાંઠાના ઇડર સુધી પહોંચ્યો છે. નારી શક્તિના અપમાન અને લોકતાંત્રિક મર્યાદાના ઉલ્લંઘનનો આક્ષેપ કરી આજે ઇડર શહેર અને તાલુકા કોંગ્રેસ સમિતિ દ્વારા રસ્તા પર ઉતરી આક્રમક વિરોધ પ્રદર્શન કરવામાં આવ્યું હતું. કાર્યકરોએ સૂત્રોચ્ચાર સાથે ભાજપ પ્રદેશ પ્રમુખ પાસે જાહેર માફીની માંગણી કરી સમગ્ર પંથકના રાજકીય વાતાવરણમાં ગરમાવો લાવી દીધો છે.