ઉનાવા પોલીસ સ્ટેશનમાં ફરિયાદ નોંધાઈ
ઊંઝા તાલુકાના ઉનાવાથી ઊંઝા તરફ જવાના રસ્તા ઉપર એપીએમસી ઉનાવાની બાજુમાં આવેલ પટેલ ટી પેકર્સ ચાની બંધ ફેક્ટરીમાં તસ્કરો ત્રાટક્યા હતા. ઓફિસની બારીના કાચ કાઢી અને બારીનો લોખંડનો સળિયો બળ પ્રયોગથી તોડી ઓફિસની અંદર પ્રવેશ કરી ટેબલના ડ્રોઅરમાંથી રૂ 52450 રોકડ રકમની ચોરી કરી લઈ જતા ઉનાવા પોલીસ સ્ટેશનમાં ફરિયાદ નોંધાઈ છે.
પ્રાપ્ત વિગતો અનુસાર ઊંઝા શહેરમાં આવેલ પાર્વતી નગર સોસાયટીમાં રહેતા નૈતિક દીપકભાઈ પટેલ ઉનાવા ખાતે ચાની ફેક્ટરી ધરાવે છે. જેમાં ઉનાવાથી ઊંઝા તરફ જવાના રસ્તા ઉપર એપીએમસી ઉનાવાની બાજુમાં આવેલ પટેલ ટી પેકર્સ ચાની બંધ ફેક્ટરીમાં તસ્કરો ત્રાટક્યા હતા. અને બારીનો લોખંડનો સળિયો બળ પ્રયોગથી તોડી કોઈ અજાણ્યો ઇસમ ઑફિસની અંદર પ્રવેશ કરી ઓફિસની અંદર ટેબલના ડ્રોઅરમાંથી રૂ 52450 રોકડ રકમની ચોરી કરી લઈ ગયો હતો. આ બનાવ સંદર્ભે ઉનાવા પોલીસે નૈતિકભાઈના નિવેદને આધારે અજાણ્યા ઇસમ સામે ગુનો દાખલ કરી વધુ તપાસ હાથ ધરી છે.
