ડીસા તાલુકાના જુનાડીસા ગામમાં ખોડિયાર મંદિર નજીક અને ઇસ્લામપુરામાં પંચાયતના પાણીના બોરના કેબલ ચોરીની ઘટના સામે આવતા ચકચાર મચી છે. અજાણ્યા શખ્સોએ રાત્રિના સમયે કેબલ કાપી ચોરી કરી હોવાનું જાણવા મળ્યું છે. અવારનવાર કેબલ ચોરીની ઘટનાઓ બનતી હોવાથી ગ્રામજનોમાં રોષ સાથે જાણભેદુની શંકા પણ વ્યક્ત થઈ રહી છે.
ઘટનાની જાણ થતાં ગ્રામજનો સ્થળ પર એકત્ર થયા હતા અને ચોરીમાં સંડોવાયેલા શખ્સોને વહેલી તકે ઝડપી પાડવા પોલીસ સમક્ષ માંગ કરી હતી. ચોરીના બનાવોને પગલે ગામમાં રાત્રિના સમયે પોલીસ પેટ્રોલિંગ વધારવામાં આવે તેવી પણ માંગ ઉઠી છે.
ગ્રામજનોએ પોલીસ દ્વારા આસપાસના વિસ્તારના સીસીટીવી કેમેરા સહિતના પુરાવાઓની તપાસ કરી ચોરીના આરોપીઓ સુધી પહોંચવા માંગ કરી છે. તેમજ ભવિષ્યમાં આવી ઘટનાઓ ન બને તે માટે ગામમાં સુરક્ષા વ્યવસ્થા વધુ મજબૂત કરવામાં આવે તેવી પણ માંગ કરી છે.
