સાબરકાંઠા જિલ્લાના વડાલી તાલુકામાં આવેલા ફુદેડા ગામે રક્તદાન કેમ્પનું આયોજન કરવામાં આવ્યું હતું. સ્થાનિક ગ્રામજનો અને યુવાશક્તિના ઉત્સાહ વચ્ચે યોજાયેલા આ કેમ્પમાં કુલ ૧૭ યુનિટ રક્ત એકત્રિત કરવામાં આવ્યું હતું, જે આગામી સમયમાં અનેક જરૂરિયાતમંદ દર્દીઓ માટે જીવદાતા સાબિત થશે.
આ આયોજન પાછળ કોમ્યુનિટી હેલ્થ ઓફિસર કોમલબેન, આરોગ્ય કાર્યકર અનિતાબેન તથા ઉપેન્દ્રભાઈ સહિત સ્થાનિક આગેવાનો અને ગામના યુવાનોનો સંયુક્ત અને પ્રશંસનીય પ્રયાસ રહ્યો હતો.
