ભાભર પોલીસે પેટ્રોલિંગ દરમિયાન બાતમીના આધારે ભાભરના નવા રબારીવાસ પાસે રહેતા ગજેન્દ્રસિંહ ઉર્ફ ગજુભા પ્રવિણસિંહ વાઘેલાના ઘરે આકસ્મિક દરોડો પાડ્યો હતો. જેમાં ગજેન્દ્રસિંહ પોતાના અંગત ફાયદા માટે ગંજીપાના અને પૈસા વડે તીનપત્તીનો જુગાર રમાડતા હતા. રેડ દરમિયાન પોલીસે સ્થળ પરથી કુલ રૂ.17,180 રોકડા અને રૂ.17,000 ની કિંમતના ત્રણ મોબાઈલ ફોન મળી કુલ રૂ. 34,180 નો મુદ્દામાલ કબજે કર્યો હતો.
ઝડપાયેલા ચાર આરોપીઓમાં ગજેન્દ્રસિંહ ઉર્ફ ગજુભા પ્રવિણસિંહ વાઘેલા (રહે. ભાભર, નવા રબારીવાસ), તખતસિંહ અભુજી ઠાકોર (રહે. વાવડી, તા. ભાભર), દશરથજી સોનાજી ઠાકોર (રહે. ગાંગુણ, તા. ભાભર) અને જીવાભાઈ સુલેમાનભાઈ મીર (રહે. ભાભર, નવા રબારીવાસ) નો સમાવેશ થાય છે. પોલીસે તમામ આરોપીઓ વિરુદ્ધ જુગાર ધારા મુજબ કાયદેસરની કાર્યવાહી હાથ ધરી છે.
