અઢી વર્ષ સામાન્ય મહિલાની સીટ હોવાથી કાઉનડાઉન શરૂ
ભાજપ નો રીપીટ થીયરીનો ફોર્મુલા અપવાને તો નવો ચહેરો જોવા મળે
ઉંઝા નગરપાલિકાની ચૂંટણીમાં ભાજપનો વિજયરથ યથાવત રહેવા પામ્યો છે. પાલિકાના ૯ વોર્ડની ૩૬ બેઠકોમાંથી ૩૧ બેઠકો પર ભાજપનો ભગવો લહેરાયો છે. ચુંટણીના પરિણામો બાદ હવે પાલિકા પ્રમુખ માટે કાઉનડાઉન શરૂ થઈ ગયું છે. ઉંઝા નગરપાલિકામાં પ્રમુખ પદ માટે પ્રથમ અઢી વર્ષ માટે સામાન્ય મહિલા બેઠક અને પછીના અઢી વર્ષ માટે સામાન્ય પુરુષને ફાળવવામાં આવી છે.
ઉંઝા પાલિકામાં પ્રમુખ પદ માટે પ્રથમ અઢી વર્ષ સામાન્ય મહિલાની સીટ હોવાથી કાઉનડાઉન શરૂ થઈ ગયું છે. પુર્વ પ્રમુખ પદે રહી ચુકેલ બે મહિલાઓ ફરીથી પ્રમુખ પદ માટે ઝંપલાવે તેવું લાગી રહ્યું છે. પરંતુ પક્ષ આ બંનેમાંથી કોના ઉપર પ્રમુખનો કળશ ઢોળશે તે કહેવું મુશ્કેલ બન્યું છે. જો ભાજપ નો રીપીટ થીયરીનો ફોર્મુલા અપવાને તો નવો ચહેરો જોવા મળે તેવું લાગી રહ્યું છે.
ઉંઝા નગરપાલિકાના પ્રમુખ પદ માટે બે પૂર્વ પ્રમુખ મહિલાઓની મજબૂત દાવેદારી કરશે તેવું લાગી રહ્યું છે. નગરપાલિકાની ચૂંટણીમાં ભાજપના મેન્ડેડ પર ૧૫ મહિલાઓ વિજયી બની છે. જેમાં ૧૧ મહિલા બિનહરીફ થયેલ છે. વોર્ડ નં.૨ માં પૂર્વ પ્રમુખ રીન્કુબેન નિખિલભાઈ પટેલ અને વોર્ડ નં.૩ માં પૂર્વ પ્રમુખ જીજ્ઞાબેન ધર્મેન્દ્રભાઈ પટેલ બિનહરીફ ચૂંટાયા હતા. જોવાનું એ રહેશે કે પક્ષ કોને પ્રમુખનું મેન્ડેડ આપશે. પક્ષ નો રીપીટ થીયરીનો ફોર્મુલા અપવાને તો પછી કોઈ ત્રીજી મહિલા બાજી મારી શકે. ચુંટણી જીતીને આવેલ ૪ મહિલામાંથી એક મહિલા પર પ્રમુખ બની શકે તેવી ચર્ચાઓએ જોર પકડ્યું છે.
