બનાસકાંઠા જિલ્લાના કાંસા-પાતળીયા ગામે ચૂંટણીના પરિણામો બાદ રાજકીય કિન્નાખોરીનો અનોખો કિસ્સો સામે આવ્યો છે. સ્થાનિક પશુપાલકોનો આક્ષેપ છે કે, તેઓએ ચૂંટણીમાં ભાજપની તરફેણમાં મતદાન કર્યું હોવાથી સ્થાનિક દૂધમંડળી દ્વારા તેમનું દૂધ સ્વીકારવાનું બંધ કરી દેવામાં આવ્યું છે.
પોતાના આર્થિક જીવન નિર્વાહ સમાન દૂધના વ્યવસાય પર રાજકીય તવાઈ આવતા રોષે ભરાયેલા પશુપાલકો મોટી સંખ્યામાં પોલીસ સ્ટેશન દોડી ગયા હતા. અને ન્યાયની માંગ સાથે હોબાળો મચાવ્યો હતો. સહકારી મંડળીના આ પ્રકારના વલણને કારણે સમગ્ર પંથકમાં ચર્ચાનો વિષય બન્યો છે કે શું હવે પશુધનની મહેનત પર પણ રાજકીય રંગ ચડશે ?
