મહેસાણામાં 11 વર્ષની બાળકી પર દુષ્કર્મનો પ્રયાસ : પોક્સો હેઠળ ગુનો દાખલ

મહેસાણા શહેરમાં એક 11 વર્ષની બાળકી સાથે શારીરિક છેડછાડનો ચોંકાવનારો કિસ્સો સામે આવ્યો છે. આ મામલે મહેસાણા શહેર એ ડિવિઝન પોલીસ મથકમાં ફરિયાદ નોંધાઈ છે.પોલીસ ફરિયાદ મુજબ, સુરેશજી રાજીજી ઠાકોર નામના યુવકે કૃત્ય આચર્યું છે. આરોપીએ દોઢ મહિના પહેલા બાળકીને તેના ફ્લેટના પાર્કિંગમાં રિક્ષામાં બેસાડીને શારીરિક અડપલા કર્યા હતા.આરોપી સગીરાનો સ્કૂલે જતી વખતે પીછો કરતો હતો. એક મહિના અગાઉ તેણે બાળકીને પોતાનો મોબાઈલ નંબર આપ્યો હતો અને ફોન કરવા દબાણ કર્યું હતું. જો ફોન નહીં કરે તો તેને મારી નાખવાની અને પોતે આત્મહત્યા કરવાની ધમકી આપતો હતો. બાળકીની માતાને આ ઘટનાની જાણ થતાં તેમણે પોલીસ ફરિયાદ નોંધાવી છે. આરોપી વિરુદ્ધ કલમ 75(2), 78(2), 351(2) તેમજ પોક્સો એક્ટની કલમ 8 અને 12 હેઠળ ગુનો દાખલ કરવામાં આવ્યો છે.