મહેસાણા જિલ્લામાં બેફામ બનેલા વાહનચાલકોનો ત્રાસ દિવસે ને દિવસે વધી રહ્યો છે, જેમાં તાજેતરમાં એક દર્દનાક હિટ એન્ડ રનની ઘટના સામે આવી છે. મહેસાણામાં પૂરઝડપે દોડતી એક કિયા કારના ચાલકે ત્રિપલ સવાર બાઇકને જોરદાર ટક્કર મારી હતી.
આ ગમખ્વાર અકસ્માતમાં બાઈક પર સવાર એક વ્યક્તિનું કરુણ મોત નીપજ્યું છે, જ્યારે અન્ય ઈજાગ્રસ્તોને સારવાર અર્થે ખસેડવામાં આવ્યા છે. અકસ્માત સર્જ્યા બાદ કારચાલક ઊભી રાખ્યા વગર વાહન ભગાડી ગયો હતો, જે આખી ઘટના નજીકમાં લાગેલા સીસીટીવી કેમેરામાં કેદ થઈ ગઈ છે. પોલીસે ફૂટેજના આધારે નાસી છૂટેલા કારચાલકની શોધખોળ હાથ ધરી છે.
