ડીસા જલારામ મંદિર નજીક સ્વીફ્ટ અને ટ્રક વચ્ચે અકસ્માત સર્જાયો

કારને ભારે નુકસાન, સદનસીબે જાનહાની ટળી ​ડીસા નજીક આવેલા જલારામ મંદિર વિસ્તારમાં આજે વહેલી સવારે અકસ્માત સર્જાયો હતો, જેમાં એક સ્વીફ્ટ કાર અને એક ટ્રક સામસામે ધડાકાભેર અથડાઈ પડ્યા હતા. આ અકસ્માત એટલો જોરદાર હતો કે કારના આગળના ભાગને ભારે નુકસાન પહોંચ્યું હતું. ​પ્રાથમિક વિગતો અનુસાર, ટ્રક અને સ્વીફ્ટ કાર જલારામ મંદિર નજીકથી પસાર થઈ રહ્યા હતા ત્યારે અચાનક બંને વચ્ચે અકસ્માત થયો હતો. અકસ્માતનું ચોક્કસ કારણ જાણી શકાયું નથી પણ ​અકસ્માત બાદ કારમાં સવાર લોકોને તાત્કાલિક બહાર કાઢવામાં આવ્યા હતા. સદનસીબે, કાર ચાલક કે અન્ય કોઈ મુસાફરને ગંભીર ઈજા થઈ ન હતી અને જાનહાની ટળી હતી. જોકે, કારના આગળના ભાગને મોટું નુકસાન થયું છે. ​ઘટનાની જાણ થતાં જ પોલીસની ટીમ ઘટના સ્થળે દોડી આવી હતી અને કાયદેસરની કાર્યવાહી હાથ ધરી હતી. અકસ્માતને કારણે માર્ગ પર થોડા સમય માટે ટ્રાફિક જામ થયો હતો, જેને પોલીસે પૂર્વવત કરાવ્યો હતો.​સ્થાનિકોએ જણાવ્યું કે આ વિસ્તારમાં અકસ્માતોની ઘટનાઓ વધી રહી છે, જેના પર તંત્રએ ધ્યાન આપવાની જરૂર છે.