અરવલ્લી એ.સી.બી.એ સફળ ટ્રેપ ગોઠવી રેવન્યુ તલાટી ગુમાનસિંહ ભુપેન્દ્રસિંહ વાઘેલાને રૂ.૫,૦૦૦ ની લાંચ લેતા રંગેહાથ ઝડપી પાડ્યા છે. ફરિયાદી પોતાના પિતાની વારસાઈ જમીનમાં નામ દાખલ કરવા માટે અરજી કરતાં આરોપીએ રૂ.૫,૦૦૦ ની લાંચ માંગણી કરી હતી.જેથી ફરિયાદીએ એ.સી.બી.નો સંપર્ક કરતા મુડશી ગ્રુપ ગ્રામ પંચાયત કચેરી ખાતે છટકુ ગોઠવાયુ હતું.
છટકા દરમિયાન આરોપીએ લાંચની રકમ સ્વીકારતા જ ટીમે તેને ઝડપી લીધો હતો અને રૂ.૫,૦૦૦ કબજે કરવામાં આવ્યા હતા. આ કાર્યવાહી એસીબી ઇન્ચાર્જ પીઆઈ ટી.એમ. પટેલના નેતૃત્વમાં અને ઉચ્ચ અધિકારીઓના માર્ગદર્શન હેઠળ કરવામાં આવી હતી.
