ઈડરના રાણી તળાવમાં નહાવા પડેલો યુવક પાણીમાં ડૂબ્યો

સાબરકાંઠા જિલ્લાના ઇડર નજીક આવેલા  રાણી તળાવમાં નહાવા પડેલો એક યુવક પાણીના ઊંડાણમાં સરકી જતાં ડૂબી ગયો હોવાની અત્યંત દુઃખદ ઘટના બની છે. અહમદપુર (કમીટપુરા) ગામના રહેવાસી વિનોદભાઈ છંદુલાલ અન્ય લોકો સાથે તળાવ પર નહાવા ગયા હતા, તે દરમિયાન અકસ્માત સર્જાયો હતો.
ઘટનાની જાણ થતાં જ સ્થાનિક લોકો અને ફાયર બ્રિગેડની ટીમ ત્વરિત ઘટનાસ્થળે દોડી આવી હતી. હાલ તંત્ર દ્વારા યુવકને શોધવા માટે યુદ્ધના ધોરણે સઘન શોધખોળ અને રેસ્ક્યુ ઓપરેશન ચલાવવામાં આવી રહ્યું છે.