અરવલ્લીની ૫૫ ગ્રામ પંચાયતો 'ટીબી મુક્ત' જાહેર: સરપંચોનું સન્માન કરાયું

કેન્દ્ર સરકારના 'ટીબી મુક્ત ભારત' અભિયાન અંતર્ગત અરવલ્લી જિલ્લાએ આરોગ્ય ક્ષેત્રે મોટી સિદ્ધિ હાસિલ કરી છે. જિલ્લાની ૫૫ ગ્રામ પંચાયતોને સફળતાપૂર્વક 'ટીબી મુક્ત' જાહેર કરવામાં આવી છે. આ પ્રસંગે યોજાયેલા ખાસ કાર્યક્રમમાં જિલ્લા પંચાયત પ્રમુખ અને જિલ્લા વિકાસ અધિકારી (DDO) ની પ્રેરક ઉપસ્થિતિમાં ઉત્કૃષ્ટ કામગીરી કરનાર પંચાયતોના સરપંચો તેમજ આરોગ્યકર્મીઓનું સન્માન કરી તેમની કામગીરીને બિરદાવવામાં આવી હતી.