બાજરી અને ચોખાની બોરીઓની આડમાં પંજાબમાં બનેલી 16092 બોટલો સંતાડી હતી
બનાવટી નંબર પ્લેટ અને બિલો પણ બોગસ, એલસીબી દ્વારા રાજસ્થાનના આરોપીની ધરપકડ
બનાસકાંઠા લોકલ ક્રાઇમ બ્રાન્ચે (એલસીબી) પાંથાવાડા નજીકથી રાજસ્થાનમાંથી ગુજરાતમાં ઘુસાડાતો રૂ.1.13 કરોડથી વધુની કિંમતનો વિદેશી દારૂનો જથ્થો ઝડપી પાડ્યો છે. પોલીસ ટીમે એક ટ્રેલર ટ્રકમાંથી બાજરી અને ચોખાના કટ્ટાની આડમાં સંતાડેલી પંજાબ નિર્મિત વિદેશી દારૂ અને બિયરની કુલ 16,092 બોટલો કબજે કરી છે. આ મામલે રાજસ્થાનના એક બુટલેગરની ધરપકડ કરવામાં આવી છે. એલસીબી પોલીસ ઇન્સ્પેક્ટર ડી.એમ. રાઠોડ અને હેડ કોન્સ્ટેબલ રાજેશકુમાર શંકરલાલને મળેલી ચોક્કસ બાતમીના આધારે પાંથાવાડાથી ડીસા જતા હાઇવે પર કુચાવાડા નજીક નાકાબંધી કરવામાં આવી હતી. આ દરમિયાન શંકાસ્પદ જણાતા આ ગુનામાં દારૂ ભરાવનાર અને મંગાવનાર અન્ય સાગરીતો સામે પણ પાંથાવાડા પોલીસ સ્ટેશનમાં પ્રોહિબિશન અને ભારતીય ન્યાય સંહિતા એક્ટ હેઠળ ગુનો નોંધી વધુ તપાસ હાથ ધરવામાં આવી છે.
પોલીસની વિવિધ ટીમોનું ઓપરેશન
રાજ્ય સરકારની દારૂબંધી અંગેની ઝીરો ટોલરન્સ નીતિના અમલ માટે બનાસકાંઠા રેન્જ પાલનપુરના પોલીસ મહાનિરીક્ષક પરીક્ષિતા રાઠોડ અને બનાસકાંઠાના પોલીસ અધિક્ષક પ્રશાંત સુંબે દ્વારા કડક સૂચનાઓ આપવામાં આવી હતી. જેના આધારે જિલ્લામાં રાજસ્થાન સરહદેથી થતી દારૂની ગેરકાયદે હેરાફેરી રોકવા અને ગુનેગારો સામે કાર્યવાહી કરવા ખાસ ટીમો બનાવવામાં આવી હતી.આ અંતર્ગત એલસીબી પાલનપુરના પોલીસ ઇન્સ્પેક્ટર ડી.એમ. રાઠોડ, પોલીસ સબ ઇન્સ્પેક્ટર આર.બી. જાડેજા અને જે.એસ. ગઢવીની ટીમોએ વધુ તપાસ હાથ ધરી હતી.
