પાલનપુરના જનતાનગરમાં યુવકની કરપીણ હત્યા; પોલીસે ગુનો નોંધી આરોપીને ઝડપી લેવાના ચક્રો કર્યા ગતિમાન

પાલનપુરના જનતાનગર પાસેના મેદાનમાંથી ગતરાત્રિના સમયે એક મુસ્લિમ યુવકની કરપીણ હત્યા કરાયેલો મૃતદેહ મળી આવ્યો હતો. આ અંગે પોલીસે ગુનો નોંધી આરોપીને ઝડપી લેવાના ચક્રો ગતિમાન કર્યા છે. પાલનપુર શહેરમાં આવેલ જનતાનગર વિસ્તારમાં મૌલાના આઝાદ મેદાનમાંથી મુસ્તકી મહંમદખાન પઠાણ નામના 20 વર્ષીય યુવકનો મૃતદેહ મળી આવ્યો હતો. મૃતકનો મિત્ર રાત્રિના સમયે મૃતકને બોલાવી જનતા નગરના મેદાનમાં લઈ ગયો હતો. જ્યાં અગમ્ય કારણોસર તીક્ષ્ણ હથિયારના ઘા મારીને મૃતકને મોતને ઘાટ ઉતાર્યો હતો. આ ઘટનાની જાણ થતા પરિવારના સભ્યો સહિત આસપાસના લોકો એકત્ર થઈ ગયા હતા. જેઓએ પોલીસને જાણ કરતા પોલીસે દોડી આવી તપાસ હાથ ધરી હતી. પાલનપુર શહેર પૂર્વ પોલીસે આ અંગે ગુનો નોંધી શકમંદોને લાવીને પૂછપરછ હાથ ધરી છે. પોલીસે જુદી જુદી ટિમો બનાવી આરોપી ને ઝડપી લેવાના ચક્રો ગતિમાન કર્યા હોવાનું ડીવાયએસપી ડો. જીગ્નેશ ગામીતએ જણાવ્યું હતું.

પાલનપુરના જનતાનગરમાં યુવકની કરપીણ હત્યા; પોલીસે ગુનો નોંધી આરોપીને ઝડપી લેવાના ચક્રો કર્યા ગતિમાન

સંબંધિત સમાચાર

ભારતમાલા હાઈવે પર એસએમસીની કાર્યવાહી: 64.59 લાખનો દારૂ, ત્રણ લક્ઝરી વાહનો જપ્ત; 8 વોન્ટેડ

મુડેઠા નજીક ટ્રેલર હાઈવે પરથી ઉતર્યું:ચાલકે સ્ટેયરિંગ પરનો કાબૂ ગુમાવતા અકસ્માત સર્જાયો

આગથળા પોલીસની મોટી સફળતા: હડાદની વાહન ચોરીના ગુનામાં આરોપી બાઈક સાથે ઝડપી પાડ્યો

ડીસામાં ચૂંટણી તંત્રના છબરડાથી ડિજિટલ દાવાઓની ખુલી પોલ