વાહન ચોરો સાવધાન! સમી પોલીસે બાતમીના આધારે ચોરીના એક્ટિવા સાથે તસ્કરને દબોચ્યો

સમી પોલીસે કલોલમાંથી એકટિવા ચોરીને અંજામ આપનાર એકટિવા ચોરને સમી બસસ્ટેન્ડ પાસેથી ઝડપી કાયદેસરની કાર્યવાહી હાથ ધરી હોવાનું જાણવા મળ્યું છે. બનાવની પોલીસ સુત્રો તરફથી મળતી માહિતી મુજબ પાટણ જિલ્લામાં ચોરી સબંધીત પ્રવૃતિ ઉપર વોચ રાખી આવી પ્રવૃતિ સદંતર નાશ થાય તેવી જિલ્લા પોલીસ વડા દ્વારા આપેલ સુચના આધારે આર.આર.મોડીયા પોલીસ ઇન્સ્પેક્ટર સમીનાઓ સમી પોલીસની ટીમ સાથે સમી પો.સ્ટે.વિસ્તારમાં પેટ્રોલીંગમાં હતા. તે દરમ્યાન ખાનગી રાહે મળેલ બાતમી આધારે સમી બસ સ્ટેશન ખાતેથી એક ઇસમ કલોલ શહેર ખાતેથી ચોરી કરેલ એક એક્ટીવા સાથે પકડી પાડી બી.એન.એસ.એસ કલમ.૩૫(૧)ઇ મુજબ અટકાયત કરી આગળની કાર્યવાહી માટે કલોલ પો.સ્ટે જાણ કરેલ હોવાનું જાણવા મળ્યું છે. સમી પોલીસે ઝડપેલ એકટિવા ચોરીના આરોપીએ પોલીસ પુછપરછ દરમ્યાન પોતાનું નામ આશીષભાઇ ભરતભાઇ નાઇ રહે.સમી પ્રજાપતિવાસ તા.સમી જી.પાટણવાળા હોવાનું જણાવ્યું હતું.