આરોપી ગણતરીના દિવસોમાં મુદ્દામાલ સાથે પકડાયો
વાવ-થરાદ જિલ્લા પોલીસ દ્વારા મિલકત સબંધી વણશોધાયેલ ગુનાઓનો ભેદ ઉકેલવાની ઝુંબેશ અંતર્ગત ઢીમા સ્થિત પ્રખ્યાત શ્રી ધરણીધર મંદિરમાંથી દર્શાનાર્થીની સોનાની ચેઇન ચોરી કરનાર આરોપીને ગણતરીના દિવસોમાં ઝડપી પાડી ચોરીનો ગુનો ઉકેલી નાખવામાં સફળતા મળેલ છે
મોજે ઢીમા ધરણીધર ભગવાનના મંદિરમાં ગત તારીખ ૨૭/૦૬/૨૦૨૬ ના રોજ બપોરના ૧૨:૦૦ થી ૧૨:૩૦ વાગ્યાના સુમારે દર્શનાર્થીઓની ભીડનો લાભ લઈ કોઈ અજાણ્યા ચોર ઇસમે યાત્રાળુ ના ગળામાંથી અઢી તોલાની સોનાની ચેઇન ચોરી લીધી હતી. આ અંગે વાવ પોલીસ સ્ટેશનમાં ગુના રજિસ્ટર નંબર ૨૯૮/૨૦૨૬ બી.એન.એસ. કલમ ૩૦૩ (૨) મુજબ ગુનો નોંધાયો હતો પોલીસ ટીમે સી.સી.ટી.વી. ફૂટેજ તથા હ્યુમન સોરસીસ બાતમીદારોની મદદથી ચોરીનો ભેદ ઉકેલી આરોપી ભરતકુમાર મણીલાલ ગોરજી રહે. ચાણસ્મા ઇન્દિરાનગર, રોયલ હોટલની સામે, તા. ચાણસ્મા, જિ. પાટણને ઝડપી પાડી તેની પાસેથી ચોરીમાં ગયેલ સોનાની ચેઇન રિકવર કરી કાયદેસરની કાર્યવાહી હાથ ધરેલ છે.
