જૂની કચેરીનો લાખો રૂપિયા નો કાટમાળ રામ ભરોસે
વાવ તાલુકા પંચાયત કચેરીનું આઝાદી વખતનું જૂનું મકાનની જગ્યાએ હવે રાજ્ય સરકારે રૂ.4.99 કરોડના ખર્ચ નવીન કચેરી કામ હાથ ધરી કચેરીનું અન્ય સ્થળે સ્થાળતર કરાયું છે. જેને આજે એક માસનો સમય વીતી ગયો હોવા છતાં નવીન કચેરીનું કામ હાથ ધરાયુ નથી. હાલમાં આ કચેરીનો લાખો રૂપિયાના બારી બારણાં પતરાં દરવાજા સહિતનો કાટમાળ રામ ભરોસે જોવા મળી રહ્યો છે. વધુમાં એક એકરની જગ્યા ધરાવતી કચેરી પ્રાઇવેટ વાહનો માટે નું પાર્કિગ બની ગઈ છે. સત્વરે વાવ ટી.ડી.ઓ જૂની કચેરીના કાટમાળની જાહેર હરાજી કરી કાટમાળ વહેંચી જેના ઉપજેલ નાણાં સરકારી તિજોરીમાં જમા લે તેજ જનહિતમાં છે. વધુમાં નવીન કચેરીનું કામ ઝડપી શરૂ કરવામાં આવે તેવી જનમાંગ છે. જો ટુક સમયમાં જૂની કચેરીનો કાટમાળની જાહેર હરાજી કરી નિકાલ નહિ કરવામાં આવે તો ચોરાઈ જવાની ભારે દહેશત વર્તાઈ રહી છે. આ જાહેર સ્થળ પર આવરા તત્વોની અવર જવર વધુ જોવા મળી રહી છે. જૂની કચેરીનો લાખો રૂપિયાનો કાટમાળની ચોરી થઈ ગઈ તો જવાબદાર કોણ? જેવા અનેક સવાલો ચર્ચાસ્પદ બની રહ્યા છે.
