સાબરકાંઠા જિલ્લાના વિજયનગર લીમડા ગામેથી 12 કિલો ગાંજા સાથે બે ધરપકડ

સાબરકાંઠા જિલ્લાના વિજયનગર તાલુકાના લીમડા ગામેથી ચિઠોડા પોલીસે બાતમીના આધારે નશાના કાળા કારોબારનો પર્દાફાશ કર્યો છે. ખેતરમાં અનાજ કે અન્ય પાકોના બદલે ગેરકાયદેસર રીતે ગાંજાની ખેતી થતી હોવાની સચોટ માહિતી મળતા પોલીસે દરોડો પાડીને ૧૨ કિલો જેટલો લીલો ગાંજો જપ્ત કર્યો છે. આ મામલે પોલીસે પ્રતિબંધિત નશાકારક છોડનું વાવેતર કરનારા બે ખેડૂતોની સ્થળ પરથી જ ધરપકડ કરી કાયદેસરની કાર્યવાહી હાથ ધરી છે. આ ઘટનાને પગલે સમગ્ર પંથકમાં ભારે ચકચાર મચી ગઈ છે.