અરવલ્લીના રેલ્લાવાડામાં ચોરીનો પ્રયાસ નિષ્ફળ, હોમગાર્ડની સતર્કતાથી તસ્કરો ભાગ્યા

અરવલ્લી જિલ્લાના મેઘરજ તાલુકાના રેલ્લાવાડા ગામમાં ગત રાત્રે તસ્કરો દ્વારા ચોરી કરવાનો મોટો પ્રયાસ નિષ્ફળ રહ્યો છે. રાત્રિના અંધકારનો લાભ લઈ ત્રણ જેટલા અજાણ્યા શખ્સો ચોરીના ઈરાદે ત્રાટક્યા હતા, પરંતુ ફરજ પર તૈનાત હોમગાર્ડ જવાનની સતર્કતા અને ત્વરિત તત્પરતાને કારણે તેમનો આ પ્લાન ચોપટ થઈ ગયો હતો. હોમગાર્ડ જવાને બહાદુરી બતાવી અવાજ કરતાં જ પકડાઈ જવાના ડરથી ત્રણેય તસ્કરો ત્યાંથી રફુચક્કર થઈ ગયા હતા. આ ઘટનાને પગલે સ્થાનિકોએ સતર્ક હોમગાર્ડ જવાનની કામગીરીને બિરદાવી છે.