ભાભર તાલુકાના પ્રાથમિક આરોગ્ય કેન્દ્ર તેતરવા હેઠળ માનનીય CDHO સાહેબ તથા માનનીય જિલ્લા ક્ષય અધિકારીશ્રી ની સૂચનાથી અને તાલુકા આરોગ્ય અધિકારીશ્રી ડૉ એચ આર ઠાકોર ના માર્ગદર્શન હેઠળ ભાભર અર્બનના હાઈ રિસ્ક વિલેજ વિસ્તારમાં ટીબી મુક્ત ભારત અભિયાન અંતર્ગત નિઃશુલ્ક ચેસ્ટ X-ray કેમ્પનું આયોજન કરવામાં આવ્યું હતું.
આ કેમ્પમાં કુલ 81 લોકોના ચેસ્ટ X-ray કરવામાં આવ્યા હતા, જેમાંથી 25 X-ray અસામાન્ય (Abnormal) જણાયા હતા. આવા તમામ લાભાર્થીઓની આગળની તપાસ અને જરૂરી સારવાર માટે આરોગ્ય વિભાગ દ્વારા કાર્યવાહી હાથ ધરવામાં આવશે. શિબીરને સફળ બનાવવા માટે ડૉ. નિકિતા પોરાણિયા, TMPHS, ધીરુભાઈ શાહ દિનેશ ભાઈ , કલ્પેશ ભાઈ મહેશ ભાઈ તેમજ , MPHW, FHW, CHO, તેમજ આશા બહેનોએ સક્રિય કામગીરી બજાવી હતી. ભાભર તાલુકામાં ટીબીના વહેલા નિદાન અને સંપૂર્ણ સારવાર દ્વારા ટીબી મુક્ત ભારતના સંકલ્પને સાકાર કરવા આરોગ્ય વિભાગ સતત કાર્યરત છે.
