પાલિકાની ફાયર ટીમે યુવાનની શોધખોળ માટે કામગીરી હાથ ધરી
પાટણમાં સુસાઈડ પોઈન્ટ તરીકે પંકાયેલા સિધ્ધી સરોવરમાં બુધવારે ખાલકપરા વિસ્તારમાં રહેતા કોઈ યુવાને મોતની છલાંગ લગાવી હોવાની આશંકા વચ્ચે પાલિકાની ફાયર ટીમે તપાસ હાથ ધરી હોવાનું જાણવા મળ્યું છે.
સિધ્ધી સરોવરના કિનારે પડેલી ચીજવસ્તુઓને આધારે ખાલકપરા વિસ્તારનો યુવાન કોઈ કારણસર સિધ્ધી સરોવરમા પડયો હોવાનું અનુમાન લગાવાયું છે. જોકે હાલમાં પાલિકાની ફાયર ટીમે જરૂરી સાધનો સાથે સિધ્ધી સરોવરમાં યુવકની શોધખોળ હાથ ધરી છે. બનાવના પગલે સિધ્ધી સરોવર ખાતે લોકોના ટોળા ઉમટી પડ્યા હતાં.
