ગરવી ગુજરાત ભીલ સમાજ સેવા ટ્રસ્ટે નાયબ કલેક્ટરને આવેદન આપી સુવિધાસભર વસાહત બનાવવાની માંગ કરી
પાટણના ગરીબ અને જરૂરિયાતમંદ પરિવારોને રાહત દરે પ્લોટ મળી રહે તે માટે ગરવી ગુજરાત ભીલ સમાજ સેવા ટ્રસ્ટ દ્વારા પાટણ કલેક્ટર કચેરી ખાતે નાયબ કલેક્ટરને રજૂઆત કરવામાં આવી છે. પ્રતિનિધિમંડળે ફોર્મ અંગેની હાલની સ્થિતિ અને આગળની કાર્યવાહી અંગે પણ ચર્ચા કરી હતી.
ગરવી ગુજરાત ભીલ સમાજ સેવા ટ્રસ્ટના પ્રમુખ ની અધ્યક્ષતામાં એક બેઠક મળી હતી. જેમાં પાટણના SC, ST, OBC,Minority તેમજ EWS વર્ગના પરિવારો દ્વારા ભરાયેલા ફોર્મની કામગીરી પૂર્ણ થઈ હતી. આ ફોર્મ આગળની કાર્યવાહી માટે સરકાર સમક્ષ રજૂ કરવામાં આવ્યા હતા.ટ્રસ્ટ દ્વારા માત્ર પ્લોટ ફાળવણી જ નહીં, પરંતુ જરૂરિયાતમંદ પરિવારો માટે એક સુવિધાસભર "રૂડું રૂપાળું ગામડું" બનાવવાનું આયોજન દર્શાવાયું હતું. આ ગામડામાં શાળા, બગીચો, સમાજ ભવન, લાયબ્રેરી, રસ્તા અને પાણી જેવી પ્રાથમિક સુવિધાઓનો સમાવેશ થાય છે. નાયબ કલેક્ટરે રજૂઆત સાંભળી અને નિયમો મુજબ કાર્યવાહી કરવાની ખાતરી આપી હતી.
