ભીલડીમાં લાયસન્સ વિના ચાલતું સ્પા ઝડપાયું

બનાસકાંઠા જિલ્લાના ડીસા તાલુકાના ભીલડી ખાતે લાયસન્સ વિના ચાલતા એક સ્પા પર એસઓજી પોલીસે દરોડો પાડ્યો હતો. આ કાર્યવાહીમાં કિંગ થાઈ સ્પાના મેનેજર અને સંચાલક સામે ગુનો નોંધી કાયદેસરની કાર્યવાહી હાથ ધરવામાં આવી છે.એસઓજી ટીમ ટીમે ભીલડી વિસ્તારમાં એરોમા શોપિંગના બીજા માળે આવેલા કિંગ થાઈ સ્પા પર તપાસ હાથ ધરી હતી.તપાસ દરમિયાન, સ્પાના મેનેજર બંટીભાઈ લાલજીભાઈ પોરાણીયા (ઉં.વ. ૨૦, રહે. ડીસા, મૂળ ભાભર) અને સંચાલક ઉત્તમ નંદકિશોર સોની (રહે. ડીસા) પાસે સ્પા ચલાવવા માટેનું કોઈ સક્ષમ અધિકારીનું પ્રમાણપત્ર ન હોવાનું જણાયું હતું.આ ઉપરાંત, કિંગ થાઈ સ્પાના નામ સાથેની વિગતો તેમજ સ્પામાં કામ કરતા કર્મચારીઓના આધાર પુરાવા સંબંધિત પોલીસ સ્ટેશનમાં જમા કરાવ્યા ન હોવાથી જાહેરનામાનો ભંગ થયો હતો.એએસઆઈ ઇન્દ્રજીતસિંહ દ્વારા ભારતીય ન્યાય સંહિતાની કલમ ૨૨૩ મુજબ ગુનો દાખલ કરવામાં આવ્યો છે અને આ મામલે વધુ તપાસ હાથ ધરવામાં આવી રહી છે.