પાટણ જિલ્લામાં લોકોના આરોગ્ય સાથે ચેડા કરતાં ડિગ્રી વગરના ડોક્ટરોની બોલબાલા દિવસે દિવસે વધી રહી છે જ્યારે આવા બિન કાયદેસરના ડોકટરો સામે આરોગ્ય વિભાગ સહિત પોલીસ તંત્ર દ્વારા કડક કાર્યવાહી હાથ ધરવામાં આવી છે જેના પગલે અવારનવાર પાટણ પંથકમાથી ડીગ્રી વગરના ડોકટરો ઝડપાતા હોવાના અખબારી અહેવાલ પ્રકાશિત થતાં જોવા મળી રહ્યાં છે.
ત્યારે પાટણ તાલુકા હેલ્થ કચેરી ની ટીમ સાથે પાટણ એસઓજી પોલીસ ટીમના પ્રવિણદાન ગઢવી અને ભરતજી ઠાકોરે પાટણ તાલુકા ના ચંદ્રુમણા ગામે કોઈ પણ પ્રકારની ડીગ્રી વગર ડોકટર બની લોકો ના આરોગ્ય સાથે ચેડા કરતાં શૈલેષ શંકરભાઈ રાવળ નામના ઈસમને મેડિકલની સાધન સામગ્રી સાથે રંગેહાથ ઝડપી લઈ તેની સામે કાયદેસરની કાર્યવાહી હાથ ધરવામાં આવી હોવાનું પાટણ તાલુકા હેલ્થ કચેરીના અધિકારી ડો.અલ્કેશભાઈ સોહલે જણાવ્યું હતું.
