ઊંઝામાં શ્રેયસ ક્રેડિટ સોસાયટીની સાધારણ સભા યોજાઈ

ઊંઝાના કાળેશ્વર મહાદેવ મંદિરની વાડીમાં શ્રેયસ ક્રેડિટ કો. ઓપરેટિવ સોસાયટી લિમિટેડ ઊંઝાની વાર્ષિક સાધારણ સભા ચેરમેન અલ્પેશભાઈ શાહના અધ્યક્ષ સ્થાને યોજાઈ હતી. જેમાં ગત વર્ષના હિસાબો રજૂ કરવામાં આવ્યા અને આગામી બજેટ ઉપરાંત વિવિધ યોજનાઓ ની જોગવાઈઓ પણ રજૂ કરવામાં આવી. જે ઠરાવોને મોટી સંખ્યામાં ઉપસ્થિત રહેલ સભાસદો દ્વારા સર્વાનુમતે મંજૂર કરવામાં આવ્યા. સંસ્થાના હોદ્દેદારો ડિરેક્ટરઓ તથા સભાસદોઓ ઉપસ્થિત રહી સભાની કાર્યવાહીમાં સહયોગ કરવા બદલ સંસ્થાએ આભાર વ્યક્ત કર્યો હતો.