સાબરકાંઠા જિલ્લા પંચાયતની ચૂંટણી: પ્રમુખ અને ઉપપ્રમુખ પદે ઉમેદવારો બિનહરીફ જાહેર

સાબરકાંઠા જિલ્લા પંચાયતની ચૂંટણીમાં ભાજપે ફરી એકવાર પોતાની સત્તા જાળવી રાખીને ભવ્ય વિજય મેળવ્યો છે. ચૂંટણી પ્રક્રિયામાં પ્રમુખ પદ માટે રીના પટેલ અને ઉપપ્રમુખ માટે દિવાણજી ઠાકોરે ઉમેદવારી નોંધાવી હતી. બંને પદ માટે માત્ર એક-એક ઉમેદવારી પત્ર રજૂ થતા, ચૂંટણી અધિકારીએ બંનેને બિનહરીફ જાહેર કર્યા હતા. સર્કિટ હાઉસથી સમર્થકો સાથે જિલ્લા પંચાયત કચેરીએ પહોંચેલા બંને હોદ્દેદારોનું ભવ્ય સ્વાગત કરવામાં આવ્યું હતું. ચૂંટણી પૂર્ણ થતા જ સમર્થકોએ નવા હોદ્દેદારોને પુષ્પગુચ્છ આપીને શુભેચ્છા પાઠવી હતી અને આનંદ વ્યક્ત કર્યો હતો. આ વરણી સાથે જ સાબરકાંઠા જિલ્લા પંચાયતનું નવું વહીવટી માળખું સત્તાવાર રીતે અસ્તિત્વમાં આવ્યું છે.