પાટણ નાગરિક સહકારી બેન્ક લિ.ની 15 ડિરેક્ટર માટે આગામી તારીખ 5 જુલાઈને રવિવારના રોજ જાહેર થયેલ ચુંટણી માટે ઉમેદવારી ફોર્મ વિતરણની કામગીરી સોમવારે સવારે 10-00 થી બપોર 3-00 વાગ્યા સુધી બેકના કોન્ફરન્સ હોલમાં જવાબદાર અધિકારીની સીધી દેખરેખ હેઠળ આયોજિત કરવામાં આવી હતી. પાટણ નાગરિક સહકારી બેન્ક લિ.ના ડિરેક્ટર તરીકે ચુંટણી લડવા ઈચ્છુંક 116 ઉમેદવારોએ ફોમૅ ફીની રકમ રૂપિયા 100 ચુકવી ઉમેદવારી ફોર્મ મેળવ્યા હોવાનું સુત્રો તરફથી જાણવા મળ્યું છે.
ઉમેદવારી ફોર્મ મેળવનાર ઉમેદવારો એ આગામી તા. 23 -24 જુન ના રોજ સવારે 10 થી 3 ના સમય દરમ્યાન રૂ. 25 હજાર ડિપોઝીટ સાથે જમા કરવાનું રહેશે. જયારે ઉમેદવારી ફોર્મ પરત ખેંચવા માટે તા. 25-26 જુનના રોજ સવારે 10 થી સાંજના 5 વાગ્યા સુધીનો સમય નક્કી કરવામાં આવ્યો છે. ઉમેદવારોને પોતાનું ચુંટણી પ્રતિક તા. 26 મી એ સાંજે 6-00 કલાકે ફાળવવામાં આવશે.જો ચુંટણી બિનહરીફ ન થાય તો તા.5 જુલાઈ સવારે 8 થી બપોરના 2 કલાકના સમય દરમ્યાન શહેરની એમ.એન. હાઈસ્કૂલ ખાતે ચુંટણી યોજાશે. અને આ ચૂંટણીની મતગણતરી આજ દિવસે સાંજના 4 કલાકે હાથ ધરી પરિણામ જાહેર કરવામાં આવશે તેવું સુત્રોએ જણાવ્યું હતું.
