પાટણ; રાધનપુર-સમી પંથકમાં ભારે વરસાદ ગ્રામ્ય વિસ્તારોમાં પાણી ભરાયા

રાધનપુર તાલુકામાં બપોર બાદ કાળા ડીબાંગ વાદળોએ આકાશ ઘેરી લીધું. અચાનક શરૂ થયેલા વરસાદથી નીચાણ વાળા માર્ગો ઉપર પાણી ફરી વળ્યા.હતા સમી તાલુકાના દાઉદપુર, બાસ્પા અને જલાલાબાદ સહિતના ગ્રામ્ય વિસ્તારોમાં ભારે વરસાદ નોંધાયો છે. રાધનપુર તાલુકાના કલ્યાણપુરા, પીપળી અને સાતુન જેવા ગામોમાં પણ ધોધમાર વરસાદ પડ્યો છે.વરસાદના કારણે પંથકમાં ઠંડક પ્રસરી ગઈ છે. ભારે ગરમી અને ઉકળાટમાંથી લોકોને રાહત મળી છે. કેટલાક લોકોએ વરસાદમાં નાહવાની મજા માણી હતી. ગોકુળ આઠમના પવિત્ર દિવસે મેઘરાજાની પધરામણીને લોકોએ ઈશ્વરનો આશીર્વાદ ગણાવ્યો છે. ખેડૂતોમાં આનંદની લાગણી છવાઈ ગઈ છે. આ વરસાદ ખેતી માટે આશીર્વાદરૂપ સાબિત થશે તેવી આશા વ્યક્ત કરવામાં આવી રહી છે.