પાટણ નજીકથી રૂ.૧૧ લાખનો અફીણનો જથ્થો પકડાયો, ANTF ની ટીમે બેની ધડપકડ કરી

પાટણ નજીકથી એન્ટી નાર્કોટિક્સ ટાસ્ક ફોર્સ (ANTF) ની ટીમે નશાના કારોબાર સામે મોટી કાર્યવાહી કરતા ૨ કિલો અફીણના જથ્થા સાથે બે ઇસમોને ઝડપી પાડ્યા છે. બાતમીના આધારે દરોડો પાડીને પોલીસે અફીણ, વાહન અને મોબાઈલ મળી કુલ રૂ. ૧૧ લાખથી વધુનો મુદ્દામાલ જપ્ત કર્યો છે. આ અફીણનો જથ્થો ક્યાંથી લાવવામાં આવ્યો હતો અને આગળ કોને સપ્લાય કરવાનો હતો તે દિશામાં પોલીસે તપાસનો ધમધમાટ શરૂ કર્યો છે.