પાટણ એલસીબી પોલીસે વારાહીના કોર્ડા ગામ પાસેથી ઓનલાઈન ક્રિકેટ સટ્ટો રમાડતા એક યુવકને પકડ્યો છે. તે PS999 આઈડી પર સટ્ટો રમાડતો હતો. પોલીસે તેની પાસેથી 30,000 રૂપિયાના 2 મોબાઈલ જપ્ત કરી આગળ ની કાર્યવાહી હાથ ધરી હોવાનું જાણવા મળ્યું છે.
પાટણ એલસીબી સ્ટાફ પેટ્રોલિંગમાં હતો ત્યારે બાતમી મળી કે, કોર્ડા ગામની કેનાલ પાસે ચંદુભાઈ ઉર્ફે લાલો ચમનજી ઠાકોર મોબાઈલ પર સટ્ટો રમાડી રહ્યો છે. પોલીસે દરોડો પાડી 28 વર્ષીય ચંદુભાઈની ધરપકડ કરી. તેના મોબાઈલમાં PS999 આઈડી ખુલ્લી મળી,જેમાં 1,03,358 રૂપિયાનું બેલેન્સ હતું.
પૂછપરછમાં ચંદુભાઈએ જણાવ્યું કે આ માસ્ટર આઈડી તેને ભાભરના અબાળા ગામના કિરતીભાઈ દેવરામજી ઠાકોરે આપી હતી. પોલીસે ચંદુભાઈ પાસેથી મોટોરોલા એજ 50 પ્રો અને ઓપ્પો A79 ફોન જપ્ત કરી આગળ ની કાર્યવાહી માટે વારાહી પોલીસને સોંપતા બંને આરોપીઓ સામે ગુનો નોંધી તપાસ શરૂ કરી હોવાનું જાણવા મળ્યું છે.
