સાબરકાંઠાના પોશીનાથી NDPS ગુનાનો 9 મહિનાથી ફરાર આરોપી ઝડપાયો

બનાસકાંઠા જિલ્લાની દાંતા પોલીસે નાસતા-ફરતા આરોપીઓને પકડવાની ઝુંબેશ અંતર્ગત મોટી સફળતા મેળવી છે. નશીલા પદાર્થોની હેરાફેરીના ગંભીર ગુનામાં છેલ્લા 9 મહિનાથી ફરાર અને પોલીસ પકડથી દૂર રહેલા પોશીનાના એક શખ્સને બાતમીના આધારે કાલંદ ત્રણ રસ્તા પાસેથી દબોચી લેવામાં આવ્યો છે. રક્ષક અને ગુનેગાર વચ્ચેની આ સંતાકુકડીનો અંત લાવી પોલીસે આરોપીને જેલના સળિયા પાછળ ધકેલવાની તજવીજ હાથ ધરી છે.