પાટણ પાલિકાની વ્હાલા-દવલાની નીતિ: ઇન્દ્રપુરી સોસાયટીમાં ગેરકાયદે બાંધકામ દૂર કરવાના મામલે આક્ષેપ

છેલ્લા 2 વર્ષથી સ્વાગત ફરિયાદમા લડત ચલાવ્યા બાદ અરજદારની રજુઆતના પગલે જિલ્લા કલેકટર દ્વારા પાટણ નગરપાલિકાને શહેરની ઇન્દ્રપુરી સોસાયટીમાં ગેરકાયદેસરના બાધકામને દુર કરવા કરાયેલ હુકમના પગલે મંગળવારે બપોરે પાલિકાની ટીમ સાથે દબાણ દુર કરવા પહોચેલા ચીફ ઓફિસરે ગેરકાયદેસરનું દબાણ સંપૂર્ણપણે દુર કરવાની જગ્યાએ નામનુજ દબાણ દુર કરી ચાલતી પકડી હોવાનો આક્ષેપ અરજદાર દ્રારા કરવામાં આવ્યો છે. 

પાલિકાની દબાણ હટાઓ ઝુંબેશ અધૂરી રાખી જતા રહેતા અરજદારે પાલિકા સામે અનેક સવાલો ઉઠાવ્યા છે. અને ન્યાય માટે આગામી દિવસોમાં હાઈકોર્ટના દ્વાર ખખડાવવાની ચીમકી આપી હોવાનું જાણવા મળ્યું છે.