સમી-હારીજ હાઇવે પર કારની અડફેટે બાઇક ચાલકનું સારવાર દરમિયાન મોત નિપજયું

પાટણ જિલ્લાના સમી-હારીજ હાઇવે પર વીરા હોટલ સામે હ્યુન્ડાઇ i20 કાર અને મોટરસાઇકલ વચ્ચે અકસ્માત સર્જાયો હતો. પુરઝડપે અને ગફલતભરી રીતે આવી રહેલી કારે બાઇકને સામેથી જોરદાર ટક્કર મારતાં બાઇક ચાલક મહંમદહનીફ હીમુભાઇ કાજી ગંભીર રીતે ઘવાયા હતા. તેમને સારવાર માટે મહેસાણા લઈ જવાયા હતા, જ્યાં ફરજ પરના ડોક્ટરે મૃત જાહેર કર્યા હતા. અકસ્માત સર્જ્યો બાદ કારચાલક વાહન સ્થળ પર મૂકીને ફરાર થઈ ગયો હતો. આ અંગે સમી પોલીસ સ્ટેશનમાં ફરિયાદ નોંધાતાં પોલીસે તપાસ હાથ ધરી છે.