ધરણીધર તાલુકાના ગ્રામીણ વિસ્તારોમાં પા.પુરવઠા વિભાગ તરફથી કોઈ એક એજન્સી મારફત પાણીની પાઇપ નાખવાની કામગીરી પુરજોશમાં ચાલી રહી છે. જે મુદ્દે ધરણીધર તાલુકા એસો.ના પ્રમુખ તેમજ રાછેણા સરપંચ કિરણસિંહ.ડી.રાજપુતે આ પાઇપ લાઇનમાં થતી ગેરરીતિઓના મુદ્દે વાવ થરાદ જિલ્લા કલેકટરને એક લેખિત પત્ર લખી જણાવ્યું છે કે, આ જે પાઇપ નાખવાની કામગીરી ચાલી રહી છે.
તેમાં તેની ઉંડાઈ બિલકુલ ઓછી હોવાથી તેના ઉપર વાહનો ચાલવાથી પાઇપ તૂટી જવાની દહેશત જોવા મળી રહી છે. વધુમાં જોઈન્ટ બરાબર ફિટ થતાં ન હોઈ ભવિષ્યમાં પાણીનો બગાડ તેમજ લિકેઝની સમસ્યા સર્જાશે. ખેડૂતોના પ્રાઇવેટ ખેતરોમાંથી પસાર થતી આ પાઇપ લાઇનના લીધે ખેડૂતોના ઉભા પાકને નુકશાન થઈ રહ્યું છે. ખેડૂતોને જમીનનુ વળતર અપાશે ખરા. વધુમાં આ પાઇપલાઇનના એસ્ટીમેન્ટ કોપી તેમજ નકશાની નકલની માંગ કરવામાં આવી રહી છે. એજન્સી દ્વારા થતી આ કામગીરીની તપાસ જરૂરી બની છે. તેવું જણાવી સરપંચ કિરણસિંહ રાજપુતે જિલ્લા કલેકટર વાવ થરાદને પત્ર લખી તપાસની માંગ કરી છે.
