હિંમતનગરના હરિઓમ સોસાયટીમાં ગઈકાલે બપોરે બે બાળકોના પિતાએ ઘરમાં પંખે લટકી ગળેફાસો ખાઈ આત્મહત્યા કરી હતી. જેને લઈને 108 અને એ-ડિવિઝન પોલીસ સ્થળ પર આવી પહોંચી હતી અને આગળની કાર્યવાહી હાથ ધરી છે.
મળતી માહિતી મુજબ હિંમતનગરમાં ગાયત્રી મંદિર રોડ પર આવેલ હરિઓમ સોસાયટીમાં સુવેરા પરિવાર ભાડે રહેવા આવ્યો હતો. દરમિયાન રવિવારે બપોરના 2 કલાકની આસપાસ સ્મિતલત્તાબેન મેડિકલ કોલેજમાં ફરજ બજાવતા દીકરા સ્માઇલી સુવેરાના ઘરે ગયા હતા. સાંજના સમયે શેલેષ્ટિ સુવેરાના દીકરો સાહિલ અને દીકરી શેરિન ઘરે આવ્યા હતા. ત્યારે ઘરનો દરવાજો ખુલ્લો હતો. જેને ખોલતા તેમના પિતા શેલેસ્ટી સુવેરા પંખા સાથે કપડાં વડે લટેકલ હતા. જેને લઈને આજુબાજુના લોકો દોડી આવ્યા હતા. ત્યારબાદ 108 અને એ ડીવિઝન પોલીસને જાણ કરતા પોલીસ સ્થળ પર આવી હતી. એ ડિવિઝન પોલીસે સ્થળ પર આવ્યા બાદ આગળની કાર્યવાહી હાથ ધરી હતી.
આ અંગે મેડિકલ કોલેજમાં ફરજ બજાવતા મૃતકના ભાઈ સ્માઇલી સુવેરાથી જાણકારી મળી હતી કે, શેલેસ્ટી સુવેરા બીએ સુધી અભ્યાસ કરેલો છે જે ઘરે છે. તેમને એક દીકરો અને એક દીકરી છે બંને અભ્યાસ કરે છે તે મારી માતા સાથે રહે છે.
