SOG-સાંતલપુર પોલીસે એકની ધરપકડ કરી NDPS હેઠળ ગુનો નોંધ્યો
પાટણ જિલ્લાના સાંતલપુર તાલુકાના ડાલડી ગામની સીમમાં આવેલા એક ખેતરમાંથી પોલીસે ગેરકાયદેસર રીતે વાવેતર કરાયેલા લીલા ગાંજાના છોડ ઝડપી પાડ્યા છે. SOG અને સાંતલપુર પોલીસની સંયુક્ત કાર્યવાહીમાં 7.840 કિલોગ્રામ વજનના લીલા ગાંજાના છોડ, જેની કિંમત 3,92,000 છે, અને રૂ. 500 નો એક મોબાઈલ ફોન સહિત કુલ રૂ.3,92,500નો મુદ્દામાલ જપ્ત કરવામાં આવ્યો છે. પોલીસે ખેતરના માલિક દાનાભાઈ આલાભાઈ ગણેશભાઈ કોળીની ધરપકડ કરી NDPS એક્ટ હેઠળ ગુનો નોંધી વધુ તપાસ હાથ ધરી છે.
આ કાર્યવાહી SOG શાખા પાટણના પોલીસ સબ ઇન્સ્પેક્ટર એ.પી. ઠાકોર અને સાંતલપુર પોલીસ સ્ટેશનના પોલીસ ઇન્સ્પેક્ટર એન.જે.પંચાલના માર્ગદર્શન હેઠળ કરવામાં આવી હોવાનું જાણવા મળ્યું છે.
