સુઇગામ પોલીસે ત્રણ આરોપીઓને ઝડપી ચાંદીના ચતર સહિત મુદ્દામાલ કબજે કર્યો
વાવ-થરાદ જિલ્લામાં મંદિરોમાં ચોરીની ઘટનાઓને અંજામ આપતી ગેંગનો સુઇગામ પોલીસે પર્દાફાશ કરી ત્રણ આરોપીઓને ઝડપી પાડ્યા છે. પોલીસે આરોપીઓ પાસેથી ચોરીમાં વપરાતી ઇકો ગાડી તેમજ શીતળા માતાજી મંદિરના ચાંદીના ચતર કબજે કર્યા છે.
પોલીસ મહાનિરીક્ષક પરીક્ષીતા રાઠોડ અને જિલ્લા પોલીસ અધિક્ષક ચિંતન તેરૈયાના માર્ગદર્શન હેઠળ વિભાગીય પોલીસ અધિક્ષક એસ.એમ. વારોતરીયા તથા સુઇગામ પીઆઈ એચ.એમ. પટેલની દેખરેખમાં પોલીસ સ્ટાફ પેટ્રોલિંગમાં હતો. તે દરમિયાન સુઇગામ-ભરડવા કસ્ટમ રોડ ઉપર ગેબલસા પીર ત્રણ રસ્તા પાસે શંકાસ્પદ હાલતમાં ફરતી એક સફેદ કલર ની સુઝુકી ઇકો ગાડી નં. GJ-08-CG-0924ને અટકાવી તપાસ હાથ ધરવામાં આવી હતી.
