ચાણસ્મા -હારીજ માગૅ પર બંધ પડેલી ટ્રક ને ટેલરે ટક્કર મારતા ટ્રક રીપેરીંગ કરી રહેલ ફોરમેન નું મોત

ચાણસ્મા નજીક હારીજ હાઈવે પર એક દુર્ઘટના સામે આવી છે જેમાં રોડની સાઈડમાં એક બંધ પડેલી ટ્રકનું રિપેરિંગ કાર્ય ચાલી રહ્યું હતું. આ દરમિયાન હારીજ તરફથી આવી રહેલા એક ટ્રેલરે બંધ પડેલી ટ્રકને જોરદાર ટક્કર મારી હતી આ અકસ્માતમાં ટ્રકનું રિપેરિંગ કામ કરી રહેલા ફોરમેન ઠાકોર જશુજી મણાજી ટ્રેલર અને ટ્રક વચ્ચે દબાઈ ગયા હતા. તેમને તાત્કાલિક 108 એમ્બ્યુલન્સ મારફતે ચાણસ્મા આરોગ્ય કેન્દ્ર ખાતે લઈ જવામાં આવ્યા જ્યાં ફરજ પરના તબીબે તેમને મૃત જાહેર કર્યા હતા. આ ધટના ની જાણ ચાણસ્મા પોલીસને થતા તેઓએ ઘટના સ્થળે પહોંચી લાશનું પંચનામું કરી મૃતદેહને પોસ્ટમોર્ટમ માટે ચાણસ્મા આરોગ્ય કેન્દ્રમાં મોકલવામાં આવ્યો હતો અને ત્યારબાદ મૃતદેહ વાલીવારસોને સોંપી પોલીસે આ મામલે આગળની કાર્યવાહી શરૂ કરી હોવાનું જાણવા મળ્યું છે.