પાલનપુર-ડીસા હાઇવે પર ચડોતર જિલ્લા ભાજપ કાર્યાલય નજીક રાત્રિના સમયે અમૂલના આઈશર ટ્રકમાં અચાનક આગ લાગતાં અફરાતફરી મચી હતી. રાત્રિના સમયે દૂધ ભરેલા વાહનમાં અચાનક આગ ભભૂકી ઉઠતા આસપાસના લોકોમાં દોડધામ મચી હતી. હાઇવે પર જ વાહનમાં આગ લાગતાં થોડા સમય માટે વાહન વ્યવહારને પણ અસર પહોંચી હતી.
ઘટનાની જાણ થતાં ફાયર ફાઈટર તાત્કાલિક ઘટનાસ્થળે પહોંચી ગયા હતા અને ભારે જહેમત બાદ આગ પર કાબૂ મેળવ્યો હતો. સદનસીબે આગની આ ઘટનામાં કોઈ જાનહાની થઈ ન હતી. આગ લાગવાનું ચોક્કસ કારણ જાણવા તપાસ હાથ ધરવામાં આવી છે.
