સીસીટીવી ફૂટેજ, ટેકનિકલ ડેટા અને બાતમીદારોની મદદથી તપાસ
અંબાજીમાં રાવણ દહન બાદ થયેલી જૂથ અથડામણના મામલે પોલીસે તપાસ તેજ કરી છે. ઘટનાની તપાસ દરમિયાન પોલીસે સીસીટીવી કેમેરાનાં ફૂટેજ, ટેકનિકલ ડેટા અને બાતમીદારોની મદદથી આરોપીઓ સુધી પહોંચવાની કાર્યવાહી હાથ ધરી હતી. આ તપાસમાં પ્રથમ ઘટનામાં સંડોવણીના આરોપસર આબુરોડની રિકો પોલીસે પાંચ આરોપીઓને ઝડપી પાડ્યા હતા.
બીજી તરફ, સોશિયલ મીડિયા પર હથિયારો સાથેના વીડિયો વાયરલ થવાના મામલે પોલીસે વધુ ત્રણ આરોપીઓની ધરપકડ કરી હતી. આમ, સોશિયલ મીડિયા પર વાયરલ થયેલા બંને વીડિયો અને સંબંધિત બનાવોના સંદર્ભમાં કુલ આઠ આરોપીઓ પોલીસના હાથે ઝડપાયા છે. પોલીસે આરોપીઓ સામે આર્મ્સ એક્ટ સહિતની લાગુ પડતી કાયદાકીય જોગવાઈઓ હેઠળ કાર્યવાહી હાથ ધરી છે.
