લાયન્સ ક્લબના ડિસ્ટ્રિક્ટ ગવર્નર ભાભરની મુલાકાતે આવ્યા હતા. તેમણે વાવડી મુકામે આવેલ પીપળ વન તેમજ વડ વનની મુલાકાત લીધી હતી. તેમજ ભાભર લાયન્સ ક્લબ દ્વારા કરવામાં આવતા વિવિધ સેવાકીય અને આરોગ્યલક્ષી કાર્યોની ડિસ્ટ્રિક્ટ ગવર્નર પ્રકાશ અગ્રવાલે મુલાકાત લઈ કામગીરીની પ્રશંસા કરી હતી. આ પ્રસંગે ભાભર વિસ્તારમાં નિઃસ્વાર્થ ભાવથી સેવાકાર્ય કરતી વિવિધ સેવાભાવી સંસ્થાઓનું સન્માન કરવામાં આવ્યું હતું. સમાજસેવા, આરોગ્ય સેવા અને જનકલ્યાણના કાર્યોમાં સતત યોગદાન આપતી સંસ્થાઓને પ્રોત્સાહિત કરવાનો આ સુંદર પ્રયાસ રહ્યો હતો.
કાર્યક્રમમાં લાયન્સ ક્લબ ભાભર પ્રમુખ મહેન્દ્રભાઈ ત્રિવેદી, ભીખાભાઈ આચાર્ય, હરિભાઈ આચાર્ય, મહેશભાઈ કાનાબાર સહિત ભાભર લાયન્સ કલબના હોદેદારો મેમ્બરો, પાલનપુર લાયન્સ ક્લબના મેમ્બરો, સેવાકીય પ્રવૃત્તિઓ કરતા અગ્રણીઓ ઉપસ્થિત રહ્યા હતા.
