આ સર્વેક્ષણ કામગીરીથી લાઈનો ડેમેજ થવાની સમસ્યા અટકશે
પાટણ નગરપાલિકા દ્વારા શહેરમાં રસ્તા નીચે આવેલી તમામ ભૂગર્ભ યુટિલિટી લાઈનોનું ડિજિટલ મેપિંગ શરૂ કરવાની કામગીરીનો પ્રારંભ શહેરના કે.કે.ગર્લ્સ સ્કૂલ પાસેના વિસ્તારથી કરવામાં આવ્યો છે. મશીન દ્વારા કરાયેલા સર્વેના આધારે તમામ ભૂગર્ભ લાઈનોના ચોક્કસ માપ સાથેના ડિજિટલ નકશા તૈયાર કરાશે.
આ નકશા નગરપાલિકાના ઓનલાઈન પોર્ટલ પર ઉપલબ્ધ કરાવાશે. ભવિષ્યમાં શહેરમાં કોઈપણ પ્રકારના નવા વિકાસકામો કે ખોદકામ વખતે આ મેપિંગ અત્યંત ઉપયોગી સાબિત થશે.ડિજિટલ નકશા ઉપલબ્ધ હોવાથી ખોદકામ દરમિયાન અજાણતા વીજ, ગેસ કે પાણીની લાઈનો ડેમેજ થવાની કે તૂટવાની શક્યતાઓ સંપૂર્ણપણે દૂર થશે. આ કામગીરીથી નગરપાલિકા તેમજ અન્ય સંબંધિત એજન્સીઓને વારંવાર થતું મોટું આર્થિક નુકસાન પણ અટકી જશે.
