પાટણ-ચાણસ્મા હાઇવે પર આવેલા સંખારી ત્રણ રસ્તા પાસે વાહનોની બેફામ ગતિને કારણે અકસ્માતનું પ્રમાણ વધ્યું છે.આ મામલે પાટણ તાલુકા પંચાયતના પ્રમુખે કાર્યપાલક ઈજનેરને લેખિત રજૂઆત કરી આ માગૅ પર બમ્પ બનાવવા રજુઆત કરી છે.સંખારી ત્રણ રસ્તા ઉપર બેફામ ચાલતા વાહનોના કારણે વારંવાર અકસ્માત ના બનાવ બને છે.અને નિર્દોષ લોકોએ જીવ ગુમાવવાનો વારો આવે છે.પાટણ તાલુકા પંચાયત પ્રમુખ જીનલબેન પટેલે માર્ગ અને મકાન વિભાગના કાર્યપાલક ઇજનેરને રજૂઆત કરી તાત્કાલિક અસરથી હાઇવેની બંને બાજુએ બમ્પ (સ્પીડ બ્રેકર) બનાવવાની માંગ કરી છે.તેમણે રજૂઆતમાં જણાવ્યું છે.
હાઇવે પરથી મોટા વાહનો ફૂલ ઝડપે પસાર થતા હોવાથી સંખારી રોડ તરફથી આવતા વાહનચાલકોને માર્ગ ક્રોસ કરવામાં ભારે મુશ્કેલી પડી રહી છે. આ અગાઉ પણ આ સ્થળે અનેક ગંભીર અકસ્માતો નોંધાઈ ચૂક્યા છે. ભવિષ્યમાં કોઈ મોટી જાનહાનિ ન થાય અને વાહનચાલકોની સુરક્ષા જળવાઈ રહે તે હેતુથી અહીં બંને બાજુ તાત્કાલિક બમ્પ બનાવવા અનિવાર્ય બન્યા છે.તાલુકા પ્રમુખે લોકહિતની આ ગંભીર સમસ્યાને વહેલી તકે ધ્યાને લઈ ઝડપી નિર્ણય લેવા તંત્રને તાકીદ કરી હોવાનું જાણવા મળ્યું છે.
