ભિલોડામાં મોંઘવારી, બેરોજગારી અને પેપરલીક મુદ્દે કોંગ્રેસના ધરણાં, કાર્યકરોની અટકાયત

ગુજરાતમાં સતત વકરી રહેલી મોંઘવારી, યુવાનોને સતાવતી બેરોજગારી અને વારંવાર સામે આવતા પેપરલીકના ગંભીર મુદ્દાઓને લઈને ભિલોડામાં કોંગ્રેસે સરકાર સામે મોરચો માંડ્યો છે. કોંગ્રેસ પક્ષ દ્વારા આ જનહિતના પ્રશ્નોને વાચા આપવા માટે ભિલોડા ખાતે પ્રચંડ ધરણાં કાર્યક્રમનું આયોજન કરવામાં આવ્યું હતું. જોકે, વિરોધ પ્રદર્શન ઉગ્ર બને તે પહેલાં જ સક્રિય બનેલી પોલીસે કાયદો અને વ્યવસ્થાની સ્થિતિ જાળવવા માટે અનેક અગ્રણી નેતાઓ અને કાર્યકરોની અટકાયત કરી લેતાં વાતાવરણ તંગ બની ગયું હતું.