ચાણસ્મા એસ.ટી. ડેપોના પ્રવેશ દ્વાર પર છેલ્લા બે વર્ષથી મોટા ખાડા પડ્યા છે. આ ખાડાઓને કારણે ડેપોમાં પ્રવેશતી અને બહાર નીકળતી બસોને ભારે મુશ્કેલીનો સામનો કરવો પડી રહ્યો છે.
વરસાદની મોસમમાં આ ખાડાઓમાં પાણી ભરાઈ જાય છે, જેનાથી કપચી ઉખડીને આસપાસ ફેલાઈ જાય છે. આ સ્થિતિને કારણે બસોને અવરજવરમાં મુશ્કેલી પડે છે.ઉપરાંત, ડેપોમાં આવતા-જતા મુસાફરોને પણ ચાલવામાં ભારે હાલાકીનો અનુભવ થાય છે. આ ખાડાઓ અકસ્માતનું કારણ પણ બની શકે છે.આ અંગે ડેપો મેનેજરે જણાવ્યું હતું કે, ડેપો પરિસરમાં પડેલા આ ખાડાઓના સમારકામ માટે મહેસાણા સ્થિત વિભાગીય કચેરીને લેખિત જાણ કરવામાં આવી છે.
