સાબરકાંઠા જિલ્લામાં ખેડબ્રહ્મા તાલુકાના ખેડવા પ્રાથમિક આરોગ્ય કેન્દ્ર ખાતે આયોજિત રક્તદાન કેમ્પમાં કુલ 21 યુનિટ રક્ત એકત્રિત કરવામાં આવ્યું હતું. આ કેમ્પનો મુખ્ય ઉદ્દેશ અતિ જોખમી સગર્ભા માતાઓ તેમજ સિકલ સેલ, ટીબી અને કેન્સર જેવા ગંભીર રોગોથી પીડિત દર્દીઓને તાત્કાલિક અને સમયસર લોહી ઉપલબ્ધ થાય તેવો હતો.
આ કેમ્પનું આયોજન GMERS Medical College & Hospital Himmatnagar ની બ્લડ બેન્કના સહયોગથી કરવામાં આવ્યું હતું. કેમ્પ દરમિયાન સ્થાનિક યુવાનો અને ગ્રામજનોમાં ઉત્સાહપૂર્વક ભાગીદારી જોવા મળી હતી.
